မင်းချစ်သူ: Mar 26, 2010

သိပ်မှန်တဲ့ ဗေဒင်လေးမို့  ပါ

နှစ်သစ်သို့ ကူးပြောင်းလာခဲ့ပြီ ဖြစ်သည့်အလျောက် တနင်္ဂနွေ သားသမီများ၏ အဆိုးအညံ့များသည်လည်း ကုန်ခဲ့ပြီဟုဆိုရမည်။
သို့သော်လည်း မမျှော်လင့်ပါဘဲ အိမ်ထောင်ကျကိန်း၊ အီးပါချကိန်း၊
အောက်တန်းစားဖြစ်သွားခြင်း စသည့်
နံတူအကျိုးပေးများ ဖြစ်ပေါ်လာတတ်သည်။ အိပ်မက်ထဲတွင် ဥစ္စာစောင့်နှင့်
ရည်ငံတတ်သဖြင့် မအိပ်ဘဲနေရန် အကြံပေးလိုသည်။ ကျန်းမာရေးအနေဖြင့် အကောင်းကြီး
မဟုတ်သော်လည်း မဆိုးလှပေ။ အိပ်ယာထဲတွင် အောက်ပိုင်း သေသွားခြင်း၊
ဦးနှောက်ထဲ
အပ်စိုက်သွားခြင်း၊ အော်ဟစ် အကူအညီတောင်းသော်လည်း "အရူး" ဟု အထင်ခံရခြင်း
စသည်တို့တော့ ဖြစ်လာနိုင်သည်။ နှလုံးသားရေးရာတွင် "အချစ်ကိုဦးစားပေးခဲ့သူ"
တွေ့တတ်သဖြင့် သင်ကိုယ်တိုင်ပင် "အိမ်ပြန်ချိန်ကိုတောင် မသိတော့သူ"
ဖြစ်သွားတတ်သည်။ "အချစ်ဟာမီးလား" ဟု ပြန်မေးချိန်တွင် သင်သည်
"ဘင်္ဂလားပင်လယ်အော်" သို့ ရောက်နေလောက်ပြီ ဖြစ်သည်။ အစစအရာရာ အဆင်ပြေစေရန်
စနေနေ့မနက်တွင် တနင်္ဂနွေနံ၏ အစားအသောက်ဖြစ်သည့် အီကြာကွေး သုံးချောင်းကို
ဖြတ်ပိုင်းခြင်း၊ ဝါးစားခြင်းမပြုလုပ်ဘဲ အချောင်းလိုက် ဆက်တိုက်ဆိုသလို မြိုချပါ။

ယုံကြည်မှု အားနည်းနေသဖြင့် ကိုးကွယ်သူ မှားတတ်သည်။ ယခုသုံးလအတွင်း
တနင်္လာသားသမီးများသည်
လွဲချော်မှုများကို ရင်ဝယ်ပိုက်ထားကြသူများ ဖြစ်သည်။ ကျား၊မ
အိမ်သာမှားဝင်မိခြင်း၊ ကိုရီးယားမင်းသမီးထင်၍ ကြိုက်မိကာမှ
ကြံရည်သည်ဖြစ်နေခြင်း၊ ငါးရှဉ့်ထင်၍ ကိုင်မိကာမှ ငန်းမြွေဖြစ်နေခြင်း စသည်တို့
ကြုံတွေ့ရနိုင်သည်။ စီးပွားရေးလုပ်ငန်းများတွင် ချွတ်ချုံ့ကျကိန်း၊
ငတ်သေကိန်း၊
ကြွေးထူခြင်းများရှိနေတတ်၍ ချဲထိုးခြင်း၊ ချက်အရက်ရောင်းခြင်းများသာ
အကျိုးပေးမည်။ ကျန်းမာရေးတွင်လည်း လွဲချော်မှုများရှိနေတတ်သဖြင့် ဂေါက်ရောဂါကို
ကင်ဆာထင်၍ ခြေထောက်အဖြတ်ခံရခြင်း၊ ကားတိုက်ခံရသည်ကို ခွေးကိုက်ခံရသည်ထင်၍
ကာကွယ်ဆေးထိုးပေးခံရခြင်း၊ ခွေခွေလေးအိပ်နေသည်ကို ကံကုန်ပြီအထင်ဖြင့်
အခေါင်းသွင်းလိုက်ခြင်း စသည်တို့ ကြုံတတ်သည်။ အချစ်ရေးတွင်တော့
အထူးပင်စန်းပွင့်ကာ ငါးစိမ်းသည်၊ ကားဒရိုင်ဘာ၊ ဂိတ်စောင့်တို့၏ မယားငယ်၊
လင်ငယ်ဖြစ်တတ်သည်။ ယတြာအနေဖြင့် ကုက္ကိုပင်အောက်သို့သွား၍ ခေါင်းပေါ်သို့
ကျီး(ငှက်) တစ်ကောင်မှ ချေး(ချီး)ပါချသည်အထိ မော့ကြည့်နေပါ။

အင်္ဂါသားသမီးများ စာမေးပွဲရာသီဖြစ်သည့်အလျောက် ဆရာ၊ ဆရာမများ အလုပ်ရှုပ်ပြီး ဝင်ငွေကောင်းမည့်
ကာလဖြစ်သည်။ ဆေးရုံအနီးတွင် ဆိုက်ကားနင်း သူများ၊ ဈေးရောင်းသူများ
စည်ပင်သာယာနှင့် ပြဿနာတက်ကိန်းရှိသဖြင့် ညဘက်တွင်မှ အလုပ်လုပ်သင့်သည်။
စီးပွားရေးအနေဖြင့် ဆံသဆိုင်ဖွင့်ခြင်း၊ စစ်ထဲဝင်ခြင်း၊ ညကင်းစောင့်ခြင်းများ
အကျိုးပေးအံ့။ ဆန္ဒပြသူများအတွက် အချိန်ကောင်း မဟုတ်သဖြင့် ဆန္ဒကိုမပြဘဲ
သိမ်းထားပါ။ အချစ်ရေးတွင်တော့ အတက်အကျမရှိဘဲ လုပ်သည့်အကျိုးကို
လက်ငင်းခံစားရကိန်းရှိသည်။ စာလိုက်ပေးသဖြင့် ရဲစခန်းရောက်ကိန်း၊
ပါးချခံရခြင်းများသည် လက်ငင်းအကျိုးများပင်ဖြစ်လတ္တံ့။ အောင်မြင်မှုကို
ဆောင်ကျဉ်းလာမည့် ယတြာမှာ စိတ္တဇဆေးရုံကို ဆိတ်ငြိမ်ရပ်ကွက်ဟု သတ်မှတ်၍
ဆယ်ရက်တရားစခန်းဝင်ပါ။

လမ်းမှားပေါ်ရောက်နေသည့် ဗုဒ္ဓဟူးသားသမီးများ ကံကြမ္မာ ဖေးမမှုကြောင့်
လမ်းမှန်ပေါ်ရောက်ပြီးကာမှ ရဲကား အတိုက်ခံရတတ်သည်။ ယမကာမှီဝဲခြင်း၊
လောင်းကစားလုပ်ခြင်းများတွင် ရောင့်ရဲတင်းတိမ်တတ်ပါစေ။ ရန်ဖြစ်ခြင်း၊
ရည်းစားနှင့်ကွဲခြင်း၊ လုယက်ခံရခြင်းများ ကြုံနိုင်သည်။ စီးပွားရေးအနေဖြင့်
ရင်းတိုင်းကုန်၊ လုပ်တိုင်းရှုံး၊ လှုပ်တိုင်းမြုပ်တတ်သဖြင့်
လုပ်ချင်ရာကိုလုပ်ပါ။ ပညာရေးကံကောင်းတတ်သည့် ဗုဒ္ဓဟူးသားသမီးများသည်
စာမေးပွဲနီးကာမှ ရေနစ်ခြင်း၊ လည်ချောင်းနာခြင်း၊ ယားနာများပေါက်ခြင်း စသည့်
အနှောင့်အယှက်လေးများ တွေ့ရတတ်သဖြင့် ရေချိုးခြင်း၊ ရေသောက်ခြင်း လုံးဝ
မပြုလုပ်သင့်ပေ။ ယတြာအနေဖြင့် လမ်းဆုံလမ်းခွ တစ်ခုတွင် လေးဘက်ထောက်ပြီး
"လွတ်လပ်ရေးအတွက် လမ်းပေါ်ထွက်လာတာ" ဟု လေးဆယ့်ငါးခါအော်ပါ။

ပေါက်ကရလေးဆယ် ပြောတတ်သူများ ပြဿနာတက်တတ်သည့်ကာလဖြစ်သည်။ ပင်ပင်ပန်းပန်း
လုပ်နေရသည့်တိုင် ပေါကြောင်ကြောင် နိုင်မှုကြောင့် ကြာသပတေးသားသမီးများ
ဗိုက်ဟောင်းလောင်းဖြစ်ကိန်း မြင်နေသည်။ ၂၀၁၂ တွင် ကမ္ဘာပျက်မည်အထင်ဖြင့်
အကြွေးယူထား သူများ ကမ္ဘာမပျက်ခင် ဘဝပျက်နိုင်သည်။ ဗိုလ်ကတော်များ
ဘုရားမေ့ကာ
ဖဲဝိုင်းထိုင်နေတတ်သည်။ ကျန်းမာရေးတွင် ပန်းနာရင်ကျပ်ထခြင်း၊ မျက်စိကွယ်ခြင်း၊
ပါးစပ်ရွဲ့ခြင်းများဖြစ်တတ်ပြီး မဖြစ်ပါက တစ်ခုခုလွဲနေပြီဟု ယူဆနိုင်သည်။
ပညာရေးတွင် ရှေ့ဆုံးရောက်နေသော ကြာသပတေး သားသမီးများသည် စာမေးပွဲခန်းထဲတွင်
ရှေ့ဆုံးခုံတွင် ထိုင်ရသဖြင့် ခိုးချမရခြင်း၊ ရှေ့လူက
သင့်ကိုမပြခြင်းတို့ကြောင့် စာမေးပွဲကို ရှေ့ဆုံးမှကျနိုင်သည်။ အစစအရာရာ
အောင်မြင်စေရန် တစ်ခုသော ကြာသပတေးနေ့တွင် ပဲပြုတ်သည်တစ်ယောက်ကို ဖန်ပုလင်း
တစ်လုံးဖြင့် ပက်ပက်စက်စက်ရိုက်ရင်း "ဗိုင်းတာမ - ပဲများချင်ဦး" ဟု
အော်ဟစ်ပါ။

"သ" နှင့် "ဟ" ပါသော သောကြာသားသမီးများ "သိပ်ဟန်" နေပြီဟု ထင်လျှင်
လုံးဝမှားသွားလိမ့်မည်။ "သေဟဲ့" ဟု အော်ကာ ကိုယ့်နဖူးကိုယ် ပြန်ရိုက်ရမည့်
ကိန်းများသာ စီတန်း တွေ့နေရမည်။ သမိန်ပေါသွပ်ဖတ်ပြီး သူရဲကောင်းဟု ထင်နေသူကို
သမက်ဖမ်းမိသဖြင့် သမီးဖြစ်သူ ဒုက္ခရောက်တတ်သည်။ သံဝေဂရစရာများ
ဆက်တိုက်ကြုံနေတတ်သဖြင့် သံဃာတော်များကို ဆည်းကပ်သည့်တိုင်အောင်
သိပ်နောက်ကျသွားပြီ ဖြစ်သည်။ ကျန်းမာရေးတွင် သွေးထွက်သံယိုဖြစ်စရာ မရှိသော်လည်း
သေးထွက်သံစူးဖြစ်တတ်သည်။ စီးပွားရေး လုပ်ငန်းများတွင် ဟိတ်ဟန်နှင့်
နေနိုင်ရန်ကြိုးစားသော်လည်း သေချင်စော်နံအောင် သိက္ခာကျကိန်းများ ထင်ရှားစွာ
မြင်နေရသဖြင့် သတိထားပါ။ ပညာရေးတွင်လည်း သောကများစရာများသာရှိနေသဖြင့်
သိပ်မကြိုးစားပါနှင့်။ ယတြာအနေဖြင့် သဲကို သံပုရာရည်စမ်းပြီး သုံးရက်ဆက်တိုက်
သုတ်စားပါ။

* *စနေသားသမီးများ ကံဇာတာ
စန်းထချိန်ပင် ဖြစ်သည်။ နိုင်ငံရေးသမားများ
ထောင်ကကျွေးထားသဖြင့် ထမင်းစရိတ်သက်သာနိုင်သည်။ တပ်မတော်၏ စေတနာအမှန်ကို
နားလည်သူများ တော်လှန်ရေး လုပ်ကြလတ္တံ့။ ဇာတာကောင်းချိန်ကြောင့်
ဓါတ်လိုက်သော်လည်း မသေဘဲ ရူးသွားနိုင်ရုံလောက်သာ ရှိသည်။ စီးပွားရေးတွင်
ဓားပြတိုက်စားခြင်း၊ ဒရဝမ်လုပ်ခြင်း၊ တောင်းစားခြင်းများ အထူးပင်ဖြစ်ထွန်းမည်။
ကျန်းမာရေးတွင် နူရုံထက်ပိုမဖြစ်လောက်ပေ။ ပညာရေးတွင်မူ
အနည်းငယ်အားနည်းနေပြီး
ထက်မြက်သူများပင် ထင်သလောက် မဖြစ်ဘဲ တဖုံးဖုံးကျနေဦးမည်ဖြစ်သည်။
နှလုံးသားရေးရာတွင် လှေနံ နှစ်ဘက်နင်းမှုကြောင့် နှစ်လောင်းပြိုင်
အသတ်ခံရနိုင်သဖြင့် သတိပြုပါ။ ယတြာချေလိုသူများ အနေဖြင့် နားရွက်နှစ်ဘက်တွင်
နာရီတစ်လုံးစီချိတ်ပြီး နတ်စင်အနီးတွင် နှစ်ရက်ခန့် မအိပ်ဘဲ မတ်မတ်ရပ်နေပါ။

မင်းချစ်သူ

မင်းချစ်သူ

Friday, March 26, 2010

7ရက်သားသမီးအတွက်ဗေဒင်(ဖတ်ဖြစ်အောင်ဖတ်နော်

Internet Explorer shortcut keys

Computer keyboard shortcut keys